एलेक्स हेल्स र जोए रुटको १९२ रनको साझेदारीले इंगलैंडको वेस्ट इन्डिजमाथि १८२ रनको फराकिलो जित

वेस्ट इन्डिजमा भइरहेको इंगलैंड र वेस्ट इन्डिज बिचको तेस्रो एकदिवसीय शृंखलामा इंगलैंडका एलेक्स हेल्स र जोए रुटको बिच दोस्रो विकेटका लागि १९२ रनको साझेदारी गर्दै वेस्ट इन्डिज सामु ३२९ रनको लक्ष्य राखेको थियो | वेस्ट इन्डिजले टस जितेर इंगलैंडलाई पहिला ब्याटिंग गर्ने निम्तो दिएको थियो | २७ रनको स्तिथिमा आफ्नो पहिलो विकेट गुमाएको इंगलैंडले दोस्रो विकेटका लागि भने वेस्ट इन्डिजलाई निकै लामो पर्खाईमा राखे | इंगलैंडका एलेक्स हेल्सले आफ्नो पाचौ एकदिवसीय सतक बनाउने क्रममा ९९ बल खेले | उनले १०७ बलको सामना गरि ९ चौका र ५ छक्का प्रहार गर्दै ११० रन बनाए | उनलाई साथदिदै जोए रुटले पनि आफ्नो नऔं एकदिवसीय सतक पुरा गर्न १०७ बल खेले | उनले १०८ बल खेल्दै १० चौकाको मदतले १०१ रन बनाए | इंगलैंडले ५० ओवरमा सबै विकेट गुमाउदै ३२८ रन बनाए | वेस्ट इन्डिजका तर्फ बाट अल्ज़र्री जोशेपले ४, जेसन होल्डर ३, नुरसेले १ विकेट लिए | जवाफमा मैदान ओर्लिएका क्यारिबियन टिमको प्रदर्शन निरासजनक रहयो | पहिलो ओवरको तेस्रो बलमा ७ रन हुदा किएरण पवेल स्टेभेन फिनको बलमा आउट भए पछि आउट हुने सिलसिला भने रोकिएन | वेस्ट इन्डिजका लागि जोनाथन कार्टरले सर्बाधिक ४६ रन बनए | ३२९ रनको लक्ष्य पछाईरहेको वेस्ट इन्डिजले ३९.२ ओवरमा सबै विकेट गुमाएर १४२ रन बनाउन सक्यो | वेस्ट इन्डिजको पारीलाई धरासाही बनाउने क्रममा इंगलैंडका क्रिस वोक्सले ३, ल्याम पलंग्केट ३, स्टेभेन फिन २, बेन स्ट्रोक्स र अदिल रशिदले १/१ विकेट लिए |
यो जित संगै इंगलैंडले ३ एकदिवसीय खेलको सिरिजमा ३-० गरेको छ | एलेक्स हेल्सल आफ्नो सतकीय पारीको खेलका लागि म्यान अफ द म्याच भए भने क्रिस वोक्स प्ल्येर अफ द सिरिज घोसित भए |