जडेजाको उत्कृष्ट प्रदर्शनले भारत जित नजिक

भारत र अस्ट्रेलिया चौथो टेस्टको तेस्रो दिनमा अस्ट्रेलियाले सबै विकेट गुमाएर १३७ रन मात्र बनाएको छ | पहिलो इनिंगमा ३२ रनको अग्रता लिएको भारतले जितको लागि अब मात्र १०६ रनको लक्ष्य पाएको छ | टेस्टको तेस्रो दिन भारतका बलरहरु एकपटक फेरी अस्ट्रेलिया माथि हाबी भए |अस्ट्रेलियाका लागि ग्लेन म्यासवेलले सर्बाधिक ४५ रन जोडे र म्याथ्यु व्यड २५ रनमा नट आउट रहे भने अन्य खेलाडीहरुले खासै राम्रो प्रदर्शन गर्न सकेनन् | अस्ट्रेलियालाई सस्तैमा समेटने क्रममा भारतका उमेश यादव ३,रविन्द्र जडेजा ३, रविचंद्रण आश्विन ३ र भुवनेश्वोर कुमारले १ विकेट लिए | जवाफमा ओर्लिएका भारतीय टोलीले दिनको खेल सकिदा सम्म बिना कुनै विकेट गुमाई १९ रन बनाएको छ |अस्ट्रेलियाले पहिलो र दोस्रो इनिंगमा क्रमशः३०० र १३७ रन बनाएको छ भने भारतले पहिलो इनिंगमा ३३२ र दोस्रो इनिंगमा १९ रन बनाएर खेल्दै छ |