जडेजाको उत्कृष्ट प्रदर्शनले भारत लयमा
अस्ट्रेलियाले २३७ रनमा ६ विकेटको स्तिथिबाट सुरुगरेको तेस्रो दिनको खेलमा सबै विकेट गुमाएर २७६ रन बनाउन सक्यो | अस्ट्रेलियाले ८७ रनको अग्रता लिएको थियो | अस्ट्रेलियाका लागि शौंन मार्शले ६६, म्याट रेंशाव ६० र म्याथ्यु वेडले ४० रन बनाए | भारतीय स्पिनर रविन्द्र जडेजाले ६३ रन खर्चेर ६ विकेट लिदै उत्कृष्ट प्रदर्शन गरे, रविचंद्रण आश्विनले २, इशान्त शर्मा र उमेश यादव ले समान १/१ विकेट लिए | दोस्रो इनिंगमा भारतका लोकेश राहुलले फेरी अर्धसतक बनाए | उनले ८५ बलको सामना गर्दै ५१ रनमा आफ्नो विकेट स्टिभ ओकीफलाई सुम्पिए | कप्तान बिराट कोहली फेरी चलेनन् | उनलाई हैजल्हुडले आफ्नो सिकार बनाए | चेतेश्वोर पुजारा र अजिंक्य रहानेले आफ्नो टिमलाई उकास्ने प्रयास गर्दै तेस्रो दिनको खेल समाप्त हुदासम्म चेतेश्वोर पुजारा ७९ र अजिंक्य रहाने ४० रन बनाउदै खेलिरहेका छन् | भारतले १२६ रनको अग्रता लिदै जम्मा २१३ रनमा ४ विकेट गुमाएको छ | अस्ट्रेलियाका जोश हैजल्हुडले ३, स्टिभ ओकीफले १ विकेट लिए |
Comments
Post a Comment