बंगलादेशले पछ्याउदै श्रीलंकाको ४९४

श्रीलंका र बंगलादेश बीच भैरहेको पहिलो टेस्टको दोस्रो दिन श्रीलंकाले सबै विकेट गुमाएर ४९४ रन बनाउन सक्यो | श्रीलंकाले ३२१ रनबाट सुरुगरेको दोश्रो दिनको खेलमा ६ विकेट गुमाएर मात्र १७३ रन जोड्न सक्यो | निकै नै लयमा देखिएका कुशल मेन्डिस दोहोरो सतक बनाउनबाट चुके | २८५ बलको समान गरेका मेन्डिसले १९ चौका र ४ छक्का प्रहार गर्दै १९४ रन बनाए | उनि मेहेदी हसनको बलमा तमिम इकबाल द्वारा क्याच आउट हुन पुगे | श्रीलंकाका निरोशन दिकवेल्लाले ७६ बलमा ७५ र दिलरुण पेरेराले ७७ बलमा ५१ रनको योगदान गरे |
बंगलादेशका तर्फबाट मेहेदी हसनले ४, मुस्ताफिजुर रहमान २, तक्शिन अहेमद १, सुभाशिस रोय १ तथा सकिब अल हसनले १ विकेट लिए | जवाफमा बंगलादेशले २ विकेटको छतीमा १३३ रन बनाएको छ | बंगलादेश श्रीलंका भन्दा ३६१ रनले पछाडी छ | राम्रो सुरुवात गरिरहेका बंगलादेशले ११८ रनमा पहिलो विकेटको रुपमा तमिम इकबाललाई गुमायो | इकबाल ५७ रनको स्थिथिमा रन ओउट हुनपुगे | सौम्या सरकार ६६ रन बनाएर अझै खेलिरहेका छन् |